邱宇鋒醫師(香港註冊中醫師),邱醫師畢業於香港浸會大學,多年從事醫管局管轄之中醫診所及醫院行醫,著有<<註冊中。醫師>>一書。

邱醫師 Email

 

嚴浩輝醫師(香港註冊中醫師),嚴醫師2005 年於香港大學中醫全科學士學位畢業。

嚴醫師 Email

 

 

葉志成醫師(香港註冊中醫師),畢業於香港浸會大學,為本站的站長,對中醫網站有極濃厚的興趣,故建此站方便同好。

葉醫師 Email

 

香港中醫網 ChineseMedicine.com.hk
香港中醫資訊交流 及 網上優質中藥店
電話 : 23418299

鼻塞+經期心痛

醫師, 你好!
我有兩個健康問題想問:
1)鼻塞
我呢幾年覺得自己有鼻敏感, 但都係打乞痴多,
唔會話有鼻塞問題
今年夏天開冷氣時, 早上起床就一直流鼻水,
不過將鼻水擤清就冇事。
天氣轉冷之後, 鼻水更加嚴重,
朝早到某個時候, 就會突然鼻塞, 令我即刻訓醒。
後來變成夜晚訓覺時, 一邊塞一邊唔塞,
朝早某個時候兩邊都塞, 呢個時候我又會醒
而且流既一時係鼻水一時係有d黃既鼻涕
過左一排不勝其擾, 去左睇西醫,
西醫話我鼻腔好腫, 食左藥之後的確好好多,
夜晚訓唔塞, 但感覺依然好多鼻涕。
一冇藥食又變返鼻塞, 過左幾日又去睇多次, 開返之前既藥。
頭兩日效果幾好, 但最尾感覺冇乜效果, 訓覺都會塞。
我而家冇食藥, 感覺嚴重左, 而家訓覺兩邊都塞,
感覺好多鼻涕, 但有時擤唔出, 夜晚訓覺時會倒流
要用口呼吸。我上網睇過文章, 話虛寒既人好容易鼻塞,
我覺得自己係虛寒, 好怕凍, 經常手足冰凍, 就算響被窩訓一晚, 腳仍然冇變暖
我想改變自己體質, 醫好鼻塞問題,
我打算由以下做起, 早訓+唔食生果唔飲凍野+做運動,
我仲打算每日飲一杯薑茶. 但阿媽話薑茶好燥, 一日一杯會唔會太多?

2)經期心痛
我細個時並冇經痛問題, 大概17,8歲開始會經痛,
但同其他人唔同, 其他人好多都痛幾日,
我只會痛頭一日, 而且早上來經, 下午只要訓返4-5個鐘, 經痛會即刻消失
晚上來經的話, 訓完一朝起身就冇事。
後黎有次痛到訓唔著, 去左次大便之後, 經痛竟然消失。
不過, 我較常以訓覺黎解決經痛問題, 因為經期時經常有便秘問題
直到去年12月早上來經, 我出門返工, 上火車大約20分鐘後,
突然心跳加速, 抖唔倒氣, 心痛, 仲開始頭暈
我初時以為火車內太多人, 而且開暖氣太焗, 以致不適,
所以就落車坐響月台休息, 感覺比起火車上好好多,
但依然好難呼吸, 據火車站工作人員講, 佢見倒我面唇全白。
響火車站休息室坐左一陣, 雖然呼吸正常返, 但依然有心痛問題,
只不過呢個問題竟然又係我去左大便之後, 又消失!
後黎經期時都係有痛有唔痛, 但並冇出現以上問題,
到今年5/6月, 早上來經, 又係出門搭火車返工, 之後又發生同樣既事。
不過果次之後到而家, 非常正常
我想問下, 究竟係咩原因令到我出現咁既情況?
果種感覺真係好似隨時會死一樣, 唔想再經歷第3次了!

謝謝醫師!

農本方網上中藥店
鼻塞的問題可能和風寒閉肺有關, 寒凝則妨礙氣血運行, 出現竅閉, 即鼻塞的問題, 中醫治療從溫陽和行氣出發.

經痛的問題是神經反射, 當腹部壓力減低, 如去大便之後, 症狀有可能緩解, 但要注意會否因為婦科腫瘤的問題如子宮肌瘤, 子宮內膜異位影響, 中藥治療可用行氣方法。
農本方網上中藥店

TOP